Loading…

Auditori gjen shkelje të rënda në ministrinë e Xhelal Sveçlës

  • 28/06/2022 | 23:06

Auditori gjen shkelje të rënda në ministrinë e Xhelal Sveçlës

Ministria e Punëve te Brendshme e ka dëmtuar buxhetin e shtetit për 97 mijë euro, duke i paguar 20 zyrtarë serbë të cilët nuk kryejnë asnjë shërbim për këtë ministri.


Ministria e cila udhëhiqet nga Xhelal Sveçla, këta zyrtarë i ka paguar bazuar në Marrëveshjen e Brukselit, për integrimin në institucionet e shtetit të Kosovës për të ashtuquajturën ‘’Mbrojtja civile’’, të cilët vepronin në komunat veriore të Kosovës.

Këto gjetje janë publikuar në raportin e Auditorit të Përgjithshëm për vitin 2021, shkruan Paparaci.

“Sipas konfirmimeve nga zyrtarët e Ministrisë këta të punësuar nuk kanë hapësira të përcaktuara të punës dhe nuk zhvillojnë asnjë aktivitet në Ministri. Buxheti i shpenzuar për pagat e tyre për vitin 2021 ishte 97,099€“.

ZKA-ja ka rekomanduar ministrin Xhelal Sveçla  që t’i sigurojë kushte zyrtarëve serbë në mënyrë që ata të vijojnë punën.

“Ministri duhet të ndërmerr të gjitha veprimet për të siguruar krijimin e kushteve për vijueshmërinë e rregullt në punë të këtyre punonjësve, duke bërë monitorimin e vazhdueshëm siç parashihet me aktet ligjore”.

Përveç, MPB-së me 104 mijë euro buxhetin e shtetit e ka dëmtuar edhe Ministria për Komunitete dhe Kthime e udhëhequr nga kryetari i Listës Serbe, Goran Rakiq, për të njëjtën arsye për mos vijimin në punë të 20 zyrtarëve serbë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë