Loading…

Austria vendos masa të ashpra për të pavaksinuarit

  • 08/11/2021 | 16:29

Austria vendos masa të ashpra për të pavaksinuarit

Nga kjo e Hënë, të pavaksinuarit në Austri do të privohen nga shumë shërbime dhe nga hyrjet në ambiente publike si kafenetë, baret, restorantet apo floktoret. Qeveria vendosi kthimin e kufizimeve të pandemisë, vetëm për këtë kategori, të cilët tashmë shihen si shkaktarët e valës së re që javën e kaluar theu rekordin për gjithë periudhën e pandemisë me gati 9 900 raste ditore.


Ditët e fundit ka patur dyndje të qytetarëve në qendrat e vaksinimit, për t’u imunizuar e për t’u shpëtuar kufizimeve. Austria renditet mes vendeve të unionit ku skepticizmi ndaj vaksinave është i ndjeshëm. Deri më tani mbi 66% e popullsisë janë vaksinuar. Për të shtuar përqindjet, në Vjenë, autoritetet kanë ulur deri tek 5-vjeçarët moshën e lejuar për vaksinim, pa pritur rekomandimin e Autoritetit Europian të Barnave.

Në të njëjtat kuota vaksinimi i popullsisë edhe në Zvicër, ku qeveria shpalli nga kjo e Hënë, javën e hapur të vaksinimit për të nxitur rritjen e kuotave. Ndërsa në Itali, nga kjo e Hënë, vendoset në karantinë çdo klasë që ka minimalisht tre nxënës të infektuar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
ma[email protected]
Adresa: Rr. Tringë Smajli, Nr. 16
Prishtinë 10000
Kosovë