Loading…

Avokat i kujt është Arianit Koci?

  • Nga

  • PAL SHTUFI

  • 26/08/2020 | 12:34

Avokat i kujt është Arianit Koci?

Avokati ka mundësi të jetë vërtetë avokat, por ka mundësi të jetë edhe avokat i djallit. Për shembull, Avokat Koci është i rritur në tul të pushtetarëve, të cilët në shumë forma dhe përmbajtje kanë luftuar për të drejtat e “Dorës së Erdoanit” që më në fund ajo dorë magjike të shtrihet sa më thellë mbi mendjet tona të shprishura nga shejtan europianizmi.


Shkruan: Pal Shtufi

KATOLIK HALLALL

Arianit Koci paska deklaruar se qenka edhe katolik. Mirëboll. Si katolik që qenka, ai do duhej ta dinte uratën: “Zot, mos na le me ra në t’keq…” Këtë fjali, kryekëput iluministe, mund ta marrin juristët edhe si mësim pragmatik e si të tillë ta inkorporojnë edhe brenda drejtësisë shekullare. S’ka gjë të keqe. Nuk ka drejtësi bashkëkohore, e cila në imanencën e vetë nuk e përkrah cytjen iluministe: PREVENTIVË NGA E KEQJA. Pse pra avokat Koci është kundër preventivave krejtësisht humane?

TANI SHAMIA PASKA AVOKATIN E VETË

Avokati e di saktësisht që nuk ka nevojë të mbrohet e drejta për shaminë, sepse kur ai e mbronë atë, atëherë del një tjetër avokat dhe mbronë të drejtën e disa qytetarëve për të ecur gjysmëlakuriq ose lakuriq në rrugë. Mirëpo, avokati e di që interesi material ia do që ta mbrojë “të drejtën për errësim” – edhe me çmimin e konfrontimit me iluministët shqiptarë. Dhe, shih ti, avokati i djallit e ka kuptuar misionin deri në fund. Ai nuk është i kënaqur vetëm me faktin që është avokat i shamisë. Jo, jo, ai qenka shqetësuar PUBLIKISHT për këtë padrejtësi! Eh, këtu është esenca e të keqës. Arianit Koci ka marrë burinë e ekstremizmit fetar dhe po i bie me notat e të drejtave të njeriut. A mos ka mbetë pa lekë ky avokat?

UNË MENDOJ…

Shamia cenon rëndë të drejtën e zhvillimit normal të vajzave nën moshën 18 vjeçare. Posaçërisht në shoqëritë patriarkale, si kjo e jona, shamia bëhet saç, i cili djegë liritë e çdo gruaje. Aty ku gruaja nuk gëzon të drejtat e veta, ai shtet e ai popull ende nuk e ka parë dritën e vërtetë të lirisë prandaj zvarritjen e njeh si të vetmën ecje të mundshme!

(Autori është opinionist nga Zvicra. Ky artikull është botuar enkas për Metro.)

 

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë