Loading…

Azilkërkuesi dyshohet se vdiq nga therja me thikë dhe jo nga zjarri

  • 26/02/2021 | 11:34

Azilkërkuesi dyshohet se vdiq nga therja me thikë dhe jo nga zjarri

Në orët e para të mëngjesit është gjetur një person i vdekur (shtetas i huaj) brenda një shtëpie të pabanuar në lagjen Ulpiana e cila u përfshi nga zjarri.

Klan Kosova ka mësuar nga burime jozyrtare se dyshohet se azilkërkuesi nuk ka vdekur nga zjarri, por nga plagët e marra paraprakisht nga therja me thikë.

Policia e ka konfirmuar se, nga të dhënat fillestare që ka, dyshohet se vdekja ka ndodhur në rrethana të dyshimta.

“Bazuar në të dhënat fillestare nga këqyrja e vendit të ngjarjes, dyshohet për një person të vdekur ( shtetas i huaj) në rrethana të dyshimta brenda objektit të përfshirë nga zjarri. Aktualisht policia ka nisur një hetim lidhur me rastin respektivisht për rrethanat e kësaj vdekjeje të dyshimtë si dhe shkaqeve të zjarrit, por edhe ndërlidhjen eventuale mes tyre”, ka deklaruar zëdhënësi i Policisë për rajonin e Prishtinës, Agron Borovci.

Në vend të ngjarjes tashmë kanë dalë edhe ekipet e Forenzikës dhe prokurorja e rastit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë