Azteca vallëzon në hapjen e Botërorit 2026

Nga stadiumi legjendar Azteca në Meksikë, nën një mot të paqëndrueshëm mes diellit dhe reshjeve, e deri te finalja që do të luhet muajin e ardhshëm pranë Nju Jorkut, miliona tifozë në mbarë globin do të jetojnë 39 ditë plot emocione, shpresa, zhgënjime dhe momente që do të mbeten përgjithmonë në kujtesë.

Në ceremoninë hapëse të Kampionatit Botëror ka performuar këngëtarja Shakira, në një duet me Burna Boy, me këngën himn të kampionatit botëror “Dai Dai”.

Shakira dhe Burna Boy ndezën atmosferën në stadium, duke u shoqëruar edhe nga një grup këngëtarësh me një performancë spektakolare.

Performanca spektakolare u dhurua edhe nga këngëtarët Danny Ocean me këngën “Partidazo” dhe Belinda me hitin “Por ella”.

Skenën e ndezi edhe këngëtari kolumbian J Balvin me disa nga këngët e tij më të ndjekura.

The atmosphere during the @FIFAWorldCup 2026 opening ceremony! 😍🎶 pic.twitter.com/J1IEOC9ysk

— FIFA (@FIFAcom) June 11, 2026