Loading…

Babai i verbër bartë në shpinë të birin që vuan nga paraliza, e shpëton nga uragani Dorian

  • 10/09/2019 | 18:03

Babai i verbër bartë në shpinë të birin që vuan nga paraliza, e shpëton nga uragani Dorian

Një burrë i verbër nga Ishujt Bahama ka arritur të bëjë diçka që konsiderohej pothuajse e pamundur, përkundër uraganit të fuqishëm Dorian që ka shkatërruar gjithçka para vetes, ai e dërgoi të birin e tij invalid në një zonë të sigurtë./gazetametro.net


Pasi që uragani shkatërroi kulmin e shtëpisë së tij, Brant Lowe, 49-vjeç, është detyruar ta dërgojë të birin e tij 24-vjeç në një zonë më të sigurtë dhe atë duke ecur nëpër ujë, që e mbuloi deri në mjekër, transmeton Telegrafi.

I biri i tij vuan nga paraliza cerebrale dhe si rezultat i kësaj sëmundje nuk mund të ecë. Në anën tjetër, Brand që kishte mbetur i verbër 11 vite më parë, e ka bartur në shpinë birin e sëmurë duke kaluar nëpër rrugët e mbuluara me ujë dhe kështu e dërgoi të birin në një vend më të sigurtë.

“Shiu filloi të binte më shumë dhe nuk mund të prisja më dhe u detyrova të reagojë. E barta në shpinë, thellësia e ujit ishte aq e madhe sa që edhe mjekrën për pak sa nuk ma mbulonte”, ka deklaruar Brant për mediat amerikane.

E gjitha filloi kur erërat e forta shkatërruan kulmin e shtëpisë dhe kështu me familjarët dhe fqinjët u fshehën në tualet, duke menduar se do të jenë më të sigurtë. Megjithatë edhe ajo zonë filloi të rrezikohet dhe kështu vendosi të ndërmarr diçka.

“Kam qenë i tmerruar sepse nuk besoja që ishte aq thellë. Prisja që uji të arrinte deri të gjunjët kur shkela jashtë, por e kuptova se situata ishte shumë me e keqe”, ka shtuar Lowe.

Ky baba e barti në shpinë të birin deri te një i afërm që më pas i ndihmoi deri në një strehimore. Megjithatë është detyruar të largohet nga familjarët e tij pasi që i është dashur tre herë në javë t’i nënshtrohet dializës. E përkujdesni për të birin e ka ndërmarrë motra e tij e madhe./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë