Loading…

Babai keqtrajton vajzën e tij 14-vjeçare në Podujevë, e mitura i dërgon në Polici pamjet e dhunës

  • 06/08/2022 | 21:20

Babai keqtrajton vajzën e tij 14-vjeçare në Podujevë, e mitura i dërgon në Polici pamjet e dhunës

Jo rrallëherë fëmijët i denoncojnë prindërit e tyre për keqtrajtim. Në shumicën e këtyre rasteve, viktima janë të miturit, ndaj të cilëve ushtrohet dhunë fizike e psikike. Për një rast të tillë, mbrëmë në Podujevë, ka rënë në pranga të Policisë një 43-vjeçar.


Burimet nga Prokuroria bëjnë me dije se i dyshuari (emër i njohur për redaksinë, që nuk do të publikohet me qëllim të ruajtjes së identitetit të viktimës së mitur) u arrestua pasi dikush raportoi në Polici se ai po ushtron dhunë ndaj fëmijës së tij, vajzës 14-vjeçare, në shtëpinë e tyre në rrugën “Qëndresa”.

Posa Policia ka marrë informacionin, njësitet policore kanë kapur dhe shoqëruar në stacion policor të dyshuarin dhe vajzën, e cila ka dërguar edhe pamje të dhunës që ia kishte shkaktuar babai, raporton Gazeta Sinjali.

Dy palët janë intervistuar para hetuesve dhe kanë dhënë deklaratat e tyre në lidhje me rastin. Në bazë të informacioneve të para dhe dëshmive të mbledhura, Prokurori i Shtetit ka vendosur që i dyshuari duhet të ndalohet për 48 orë.

Me vendim të tij, e bija dhe fëmijët e tjerë, të cilët ishin nën përkundjen e të dyshuarit janë dërguar në strehimore, aty ku ndihen më të sigurt.

Ndaj të ndaluarit është iniciuar rasti për “keqtrajtim të fëmijës”, vepër kjo e sanksionuar në bazë të Kodit Penal të Republikës së Kosovës, sipas të cilit “Prindi, prindi adoptues, kujdestari apo personi tjetër që ushtron autoritet prindëror mbi fëmijën, i cili keqtrajton fëmijën e tillë duke përdorur masa fizike apo mendore ose shkel detyrimin e tij për përkujdesje dhe edukim të fëmijës, dënohet me burgim prej gjashtë (6) muaj deri në tre (3) vjet.”

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë