Bajraktari takon bashkëshorten e Jakup Krasniqit: Presim që drejtësia të triumfojë

Avokati Ardian Bajraktari reagoi lidhur me procesin gjyqësor ndaj ish-krerëve të Ushtrisë Çlirimtare të Kosovës në Hagë, transmeton Gazeta Metro.

Bajraktari bëri të ditur se ka takuar Sevdije Krasniqin, bashkëshorten e Jakup Krasniqit, ndërsa përmes një postimi ka shprehur pritjet e tij për vendimin që pritet të merret më 16 shtator.

Ai theksoi se familjet e Hashim Thaçit, Kadri Veselit, Jakup Krasniqit dhe Rexhep Selimit vazhdojnë ta kenë mbështetjen, duke shprehur besimin se vendimi i ardhshëm do të jetë lirues.

“Në pritje të drejtësisë, sot takova znj. Sevdije Krasniqi, bashkëshorten e Bacës Jakup. Familjet Krasniqi, Thaçi, Veseli e Selimi nuk kanë qenë dhe nuk janë vetëm. Më 16 shtator presim vendimin lirues për Hashim Thaçin, Kadri Veselin, Jakup Krasniqin dhe Rexhep Selimin. Presim që drejtësia të triumfojë! Liria ka emër. Liria ka vlerë!”, shkroi Bajraktari./gazetametro.net