Loading…
Banorët e Hanit të Elezit që pritën të parët ushtarët e KFOR’it përshkruajnë emocionet 20 vjet pas
  • 13/06/2019 | 01:29

Banorët e Hanit të Elezit që pritën të parët ushtarët e KFOR’it përshkruajnë emocionet 20 vjet pas

78-vjeçari Idriz Hoxha nuk arrin të përshkruajë me fjalë momentin kur nga kampi i Stankovecit në Maqedoninë e Veriut, 20 vjet më parë, dëgjoi për vendimin e NATO-së që të intervenojë në Kosovë.

Ai, bashkë me familjen, kishte përjetuar gëzim të madh, e pa menduar gjatë, pavarësisht vështirësive, thotë se në këmbë u nisën drejt shtëpisë në Han të Elezit, raporton KTV.

Kufirin e kaluan bashkë me pjesëtarët britanikë të KFOR-it, më 12 qershor 1999.

Hani i Elezit ishte zbrazur, e ata pak persona që kishin mbetur ishin pjesëtarë të UÇK-së.

E kur takohen sërish në zonën pranë kufirit me Maqedoninë e Veriut, që ka ndryshuar shumë nga ajo kohë, e kujtojnë me mall momentin kur i takuan për herë të parë forcat e NATO-së.

20 vjet pas, ata thonë se ai është momenti më i rëndësishëm që i dha kah tjetër jetës së tyre.

Llogaritet se rreth 500 mijë banorë, që u larguan me dhunë nga forcat serbe, u strehuan në Maqedoninë e Veriut.

Pas 12 qershorit, kur forcat e NATO-së zbarkuan në Hanin e Elezit, banorët filluan të ktheheshin nëpër shtëpitë e tyre, që kishin mbetur të shkatërruara ashtu sikurse gjithçka tjetër në qytet.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë