Loading…

Batutat e Ramiz Lladrovcit për Sami Lushtakun: S’rrishe urtë, e mësuesi ta ngreh veshin (Video)

  • 04/07/2017 | 12:54

Batutat e Ramiz Lladrovcit për Sami Lushtakun: S’rrishe urtë, e mësuesi ta ngreh veshin (Video)

Lirimi i Sami Lushtakut nga burgu ka gëzuar shumë bashkëvendësit e tij, të cilët u bashkuan për ta pritur atë në një odë në Prekaz.


Në mesin e burrave që pritën Lushtakun, ishte edhe kryetari i Drenasit, Ramiz Lladrovci, që tha disa fjalë për të, shkruan Indeksonline.

Fjalimi i tij i bëri të qesh të pranishmit, sidomos Lushtakun dhe avokatin e tij, Arianit Kocin.

“Arianitin e falënderojmë që i ka nejt senev gati. Na moti i kishim kry o Sami po ti nuk na ngojshe, bojshe probleme. E kur nuk ngon, qashtu msusi ta ngreh veshin, por tash mirë është në fund”, dëgjohet duke thënë Lladrovci.

Atij i përgjigjet Lushtaku i cili i thotë “Mirë nuk është hiq po…”.

Kujtojmë se ish-komandanti i UÇK-së, Sami Lushtaku është liruar nga paraburgimi pas ankesës e cila ka ardhur për heqjen e kësaj mase nga mbrojtja e tij. Ai bashkë me Sylejman Selimin dhe pjesëtarë të Ushtrisë Çlrimtare të Kosovës, po akuzoheshin për krimet lufte.

Lushtaku ishte akuzuar për vrasjen e një civili gjatë luftës së fundit në Kosovë, gjë për të cilën ai ishte dënuar me 12 vite burgim në vitin 2015. Kurse Gjykata e Apelit më vonë e kishte liruar nga akuza për vrasjen e civilit, duke e dënuar me shtatë vite burgim për përgjegjësi hierarkike.

Seanca e fundit për trajtimin e këtij rasti ishte mbajtur më 20 qershor, ku u tha se vendimi do të jepej kah gjysma e muajit korrik.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë