Loading…

BE dhe UNDP inaugurojnë hapësirat e rinovuara në Kamenicë

  • 01/12/2016 | 11:03

BE dhe UNDP inaugurojnë hapësirat e rinovuara në Kamenicë

Zyra e Bashkimit Evropian (BE) në Kosovë dhe Programi për Zhvillim i Kombeve të Bashkuara (UNDP) do të inaugurojnë hapësirat e rinovuara në Parkun e qytetit në Kamenicë.

Projekti “Ndërtimi i besueshmërisë nëpërmjet mbrojtjes kulturore në Kosovë” i ka përfunduar punimet në tri hapësira në këtë komunë, rindërtimi i Parkut të qytetit, rinovimi i xhamisë Haxhi Gani Sermaxhaj dhe përmirësimi i oborrit të Kishes Ortodokse Serbe Shën Nikolla.

Të pranishëm në këtë ngjarje do të jenë Begzad Sinani, kryetar i Kamenicës , Nataliya Apostolova, shefe e Zyrës së BE-së në Kosovë/PSBE dhe Andrew Russell, koordinator i Zhvillimit i OKB-së / përfaqësues rezident i UNDP-së, përfaqësues të bashkësive fetare, zyrtarë komunal dhe qytetarë të Kamenicës.

Projekti është financuar nga BE-ja dhe përqëndrohet në rinovimin, përmirësimin dhe rehabilitimin e  trashëgimisë kulturore dhe fetare në Kosovë, duke bashkëpunuar ngushtë me EULEX-in dhe Njësinë e Policisë së Kosovës për Sigurimin e Objekteve të Trashëgimisë Kulturore.

Qëllimi i përgjithshëm i projektit është të kontribuojë në përmirësimin e tolerancës ndëretnike dhe respektimin e identitetit kulturor dhe trashëgimisë.

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë