Loading…

BE sanksionon agjencinë famëkeqe të inteligjencës ushtarake ruse, GRU

  • 31/07/2020 | 10:42

BE sanksionon agjencinë famëkeqe të inteligjencës ushtarake ruse, GRU

Bashkimi Evropian ka miratuar sanksionet e para ndonjëherë kundër disa sulmuesve kibernetikë, duke shënjestruar kështu katër shtetas rusë dhe një njësi të agjencisë së inteligjencës ushtarake të Rusisë (GRU).


Në listën e sanksioneve të bllokut evropian përfshihen edhe dy subjekte me bazë në Kinë dhe Korenë Veriore si dhe dy shtetas kinezë.

Masa kufizuese do të merren kundër gjashtë individëve dhe tri subjekteve “përgjegjëse për apo të përfshira në disa sulme kibernetike”, duke përfshirë përpjekjet e vitit 2018 për qasje në Organizatën për Ndalim të Armëve Kimike, ka thënë Këshilli Evropian përmes një deklarate më 30 korrik.

Sanksionet përfshijnë ndalesë në udhëtim dhe ngrirje të aseteve është thënë në deklaratë, duke shtuar se shtetasve të BE-së u ndalohet që në mënyrë të drejtpërdrejtë ose jo, të kenë qasje te shënjestrat.

Pjesë e të sanksionuarve është edhe Qendra Kryesore për Teknologji e GRU-së, e cila sipas BE-së është përgjegjëse për sulmet kibernetike “me ndikim të madh” ndaj bllokut evropian, anëtarëve të saj dhe shteteve tjera.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë