Loading…
Befason Kryeziu: E kam lutur moti Kadri Veselin të më shkarkojë
  • 20/06/2019 | 17:49

Befason Kryeziu: E kam lutur moti Kadri Veselin të më shkarkojë

Nijazi Kryezi, ish-këshilltari i Kadri Veselit, e ka mirëpritur vendimin e këtij të fundit që të largojë atë nga posti publik, duke marrë parasysh aktakuzat në të cilat ka qenë i përfshirë, shkruan Gazeta Metro.


Kryeziu i cili është i përfshirë në aferën ‘Pronto’, thotë se ka lutur të parin e partisë që të marrë një vendim të tillë.

‘’Unë kam dhënë dorëheqje në momentin kur është ngrit aktakuza. Ka qenë vendim i Kadri Veselit. Dhe e kemi diskutu. Jam njëri nga propozuesit që të merret ky vendim gjeneral, jo vetëm për mua. Është koha të jemi jo vetëm të përgjegjshëm por edhe real. Kam qenë kundër që zyrtarët me aktakuzua të kandidojnë dhe të jenë pjesë e institucioneve publike’’, ka thënë Kryeziu në Frontal.

Ai tutje ka thënë se është ndjerë keq nga reagimet e Ambasadës Amerikane, e cila vazhdimisht po bën thirrje për largimin e personave me aktakuza nga postet publike.

‘’Ideja është tek profesionalizmi që ne duhet të angazhohemi gjithë. Kur ka dalë Ambasada amerikane me reagim, jam ndjerë keq. Ka pasë 1 vit që kërkojsha që të jem një prej atyre që të jem shembull. Veseli më ka falënderu për korrektësinë, ka thënë e cmoj qasjen tënde. PDK e kemi marrë një pozicion defansiv qe disa vite. Marrim goditje të mëdha’’, përfundoi ai.

Kujtojmë se gjatë ditës së djeshme Veseli mori vendim që të gjithë personat me aktakuza që janë pjesë e partisë së tij, t’i largojë nga pozitat që kanë./gazetametro.net

Më të fundit
...
  • 18/07/2019 | 23:39
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë