Loading…

Behramaj-Kurtit: Barrë e rëndë për popullin ta durojë inflacionin e propagandës tuaj

  • 26/10/2021 | 16:24

Behramaj-Kurtit: Barrë e rëndë për popullin ta durojë inflacionin e propagandës tuaj

Ish-këshilltari i ish-presidentit Thaçi, Adil Behramaj ka reaguar për arsyetimin e kryeministrit Kurti për  rritjen e çmimit të produkteve bazike në Kosovë.

Në një postim në Facebook, Behramaj ka thënë se qeveria i ka të gjitha mjetet shtetërore për të mos lejuar spekulatënt të bëhen profiterë të krizave.

“Është absurde që tani të rritet çmimi i bukës, kur ende nuk janë bërë as tre muaj të plotë nga korrja e grurit në tërë Kosovën. Vendi në asnjë periudhë tjetër të vitit nuk ka më shumë grurë dhe miell se tash. Edhe vitin e kaluar ishte kriza e pandemisë, por çmimi i bukës ishte i njëjtë. Prodhimtaria është e përafërt me vitet e kaluara kur çmimi i bukës me vite të tëra ishte i ekuilibruar”, ka shkruar Behramaj.

Madje Behramaj i është drejtuar Kurtit me fjalët se është “e rëndë për popullin ta durojë inflacionin e propagandës”.

Postimi i plotë:

Me inflacion fjalësh, Albin Kurti i paska sulmuar kritikuesit për inflacionin e çmimeve. Paska radhitur vetëm faktorë, disa prej të cilëve tepër të diskutueshëm, pa treguar se çfarë po bën për zvogëlimin e ndikimit të tyre. Qeveria e Kosovës i ka krejt instrumentet shtetërore për të mos i lejuar spekulantët e ndryshëm që të bëhen profiterë të krizave.

Le t’i ndalon!

Është absurde që tani të rritet çmimi i bukës, kur ende nuk janë bërë as tre muaj të plotë nga korrja e grurit në tërë Kosovën. Vendi në asnjë periudhë tjetër të vitit nuk ka më shumë grurë dhe miell se tash. Edhe vitin e kaluar ishte kriza e pandemisë, por çmimi i bukës ishte i njëjtë. Prodhimtaria është e përafërt me vitet e kaluara kur çmimi i bukës me vite të tëra ishte i ekuilibruar.

Albin Kurti e ka Rozeta Hajdarin, Ministre të Industrisë, Ndërmarrësisë dhe Tregtisë. E ka edhe Autoritetin e Konkurrencës. I ka krejt mekanizmat për parandalimin e spekulantëve dhe mbrojtjen e tregut. Ka inspektorë, ka politikë tregtare…

Hajde, punoni!

Është barrë e rëndë për popullin ta durojë edhe inflacionin e propagandës suaj. Me inflacion fjalësh nuk menaxhohet inflacioni i çmimeve!.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë