Loading…

BE’ja mirëpret lajmin për rikthimin e terminalit doganor në Trepqë, ka një kërkesë për Qeverinë

  • 03/11/2021 | 20:15

BE’ja mirëpret lajmin për rikthimin e terminalit doganor në Trepqë, ka një kërkesë për Qeverinë

Bashkimi Evropian në Kosovë e ka mirëpritur inaugurimit të objektit të ri të terminalit doganor në Trepçë.

Përmes një postimi në Facebook, BE-ja inkurajojnë Qeverinë që t’i zhvendosë terminalet e tjera ekzistuese doganore në ambiente në pronësi publike.

“E mirëpresim lajmin se kryeministri Albin Kurti së fundmi ka inauguruar objektin e ri të terminalit doganor të brendshëm në një objekt në pronësi publike, si në Trepçë. Ne inkurajojmë qeverinë të zhvendosë terminalet e tjera ekzistuese doganore në brendësi të vendit në ambiente në pronësi publike. Një veprim i tillë është një progres i bërë në përmbushjen e rekomandimeve për kapitullin doganor në paketën e zgjerimit të BE-së dhe Marrëveshjen e Stabilizim-Asociimit”, thuhet në njoftimin e tyre.

Megjithatë, BE-ja u ka bërë thirrje qeverisë që t’i heqë tarifat që i ngarkohen kamionëve për të shlyer detyrimet doganore kur hyjnë në terminalet e brendshme.

“Megjithatë, i bëjmë thirrje qeverisë që të heqë tarifat shoqëruese që i ngarkohen çdo kamioni për të shlyer detyrimet doganore kur hyjnë në terminalet e brendshme, pasi ato nuk janë në përputhje me MSA-në dhe krijojnë barriera shtesë për tregtinë për bizneset”.

Ndërsa, kryeministri i Kosovës, Albin Kurti në ditën e inaugurimit të këtij objekti ka thënë se rikthimi i këtij terminali është hapi parë i përmbushjes së zotimit të tyre që deri në mesin e vitit të ardhshëm, terminalet doganore shtetërore të shtrihen në gjithë vendin.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë