Loading…

Berisha i drejtohet Kurtit: Po shkatërron të arriturat, trego ku ke pirë ‘çorbë të prishur’

  • 03/12/2022 | 11:13

Berisha i drejtohet Kurtit: Po shkatërron të arriturat, trego ku ke pirë ‘çorbë të prishur’

Deputeti i PDK-së, Hisen Berisha, ka reaguar pas deklaratave të dërguarit të Shteteve të Bashkuara për Ballkanin Perëndimor, Gabriel Escobar dhe të ambasadorit amerikan në Serbi, Christopher Hill rreth formimit të Asociacionit.


Ai i është drejtuar kryeministrit Albin Kurti, duke e pyetur se çfarë marrëveshje, sipas tij të dëmshme ka bërë Kurti.

“Trego Kryeministër, ku, kur dhe si e ke ‘pirë një lugë qorbe të prishur’ e tani po shkatërron për dy vite, çdo arritje politike në bërjen e shtetit?!”, ka shkruar ndër të tjera deputeti i PDK-së.

Reagimi i plotë i Berishës: 

Kryeministër në detyrë, pas kësaj dekleratë të Escobar dhe Hill, duhet të zhvisheni nga mashtrimi e gënjeshtra e ta thoni se çfarë marrëveshje të dëmshme/tradhtie paske bërë?!

Sepse, si shtet i pavarur e demokratik, bazuar në “Deklaratën e Pavarësisë” dhe Kushtetutën e vendit, për 70 mij serbët kosovar, duhet të ofrojmë të njëjtat standarde jete dhe mbrojtjëje, si për të gjithë qytetarët e komuniteteve tjera që Kosovën e pranojnë, e ndjejnë shtetin e tyre.

Kurse të drejtën që të marrin pjesë në jetën shoqërore, ekonomike dhe politike të Serbisë, mundën ta bëjnë por, duke jetuar në Serbi. Kjo do të thotë se e kanë të drejtë të jetojnë në traditën e tyre kombëtare e religjioze, ti promovojnë ato vlera por brenda kornizave ligjore dhe Kushtetutës së shtetit demokratik të Kosovës ku edhe mbrohen.

Kosova tashmë, është e pranuar dhe e konfirmuar nga GJND, si shtet demokratik, ndaj institucionet demokratike si Parlamenti e Gjykata kushtetuese do t’iu stopojnë!

A nuk u akomoduan mjaftueshëm të drejtat kolektive me “Pakon e Ahtisarit”, Kushtetutën e Kosovës, me vende të rezervuara, me privilegje të ndryshme unike, ndër më të avansuarat në sistemet shtetërore në Botë?

Kështu që, trego Kryrministër, ku, kur dhe si e ke “pirë një lugë qorbe të prishur” e tani po shkatërron për dy vite, çdo arritje politike në bërjen e shtetit?!

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë