Blinken shtyn vizitën në Kinë pas ‘balonës përgjuese’ mbi qiellin e SHBA’së
-
03/02/2023 | 17:27
Sekretari amerikan i Shtetit Antony Blinken ka shtyrë një udhëtim në Kinë pasi një balonë spiune kineze u zbulua fluturuar nëpër SHBA.
Blinken pritej të takohej me homologun e tij kinez dhe potencialisht me presidentin e Kinës, Xi Jinping.
Vizita do të kishte ardhur në mes të tensioneve të përkeqësuara midis dy vendeve.
Kina ka thënë se balona është përdorur për kërkime meteorologjike dhe ka devijuar nga rruga e saj për shkak të motit të keq.
Zyrtarët amerikanë kanë thënë se janë të bindur se “baloni i mbikëqyrjes” që fluturon mbi SHBA është kinez.
Një deklaratë nga Ministria e Jashtme e Kinës tha se vendit “i vjen keq” për incidentin dhe do të punojë me SHBA-në për të zgjidhur çështjen.
Vizita e Blinken pritej të bëhej më 5 dhe 6 shkurt.
Një zyrtar amerikan i cituar nga Associated Press tha se vendimi për ndërprerjen e papritur të udhëtimit u mor nga Blinken dhe Presidenti amerikan Joe Biden.
