Loading…
Borovci kërcënon dhe nuk i bindet LDK’së: Dega e Tretë do ta caktojë vet datën e zgjedhjeve
  • 18/07/2019 | 17:52

Borovci kërcënon dhe nuk i bindet LDK’së: Dega e Tretë do ta caktojë vet datën e zgjedhjeve

Kreu i Lidhjes Demokratike të Kosovës, Isa Mustafa mblodhi sot kryetarët e degëve të LDK-së, e kryesinë e kësaj partie. Dy javë para kuvendit zgjedhor të 3 gushtit, u bë e ditur se së shpejti do të zgjidhet edhe kryetari i degës së tretë në Prishtinë, e ku siç mëson Express, ka gjasë që Arban Abrashi e Hazir Borovci të lejohen që të kandidojnë.

Përmes një publikimi në Facebook, në faqen zyrtare të Lidhjes Demokratike të Kosovës, u bë e ditur se është diskutuar në takimin e sotëm për përmbylljen e procesit zgjedhor e Kuvendit e 3 gushtit ku do të zgjidhjen kryetari dhe Këshilli i Përgjithshëm.

Derisa nga LDK u tha se me këto organe udhëheqëse po bëhen gati për t’i fituar zgjedhjet e ardhshme lokale dhe qëndrore.

“Kuvendi i LDK-së do të ketë karakter solemn ku do të rikonfirmohet puna dhe performanca e LDK-së, fuqia politike dhe lidhja e fuqishme tridhjetëvjeçare e LDK-së me popullin e Kosovës”, shkruhet në njoftim e LDK-së.

Mirëpo, përveç kësaj, sot në këtë mbledhje është diskutuar edhe për Degën e Tretë në Prishtinë ku ende nuk është finalizuar procesi zgjedhor.

Në një përgjigje për Express, Hazir Borovci tha se do të vendoset në këtë degë kur do të mbahen zgjedhjet për kryetar dege.

“Po kemi përfunduar mbledhjen kemi diskutuar për procesin zgjedhor, sa i përket degës se tretë ne do të vendosim në degë për datën kur do të mbahen zgjedhjet”, ka deklaruar ai.

Gjithashtu, në takimin e sotëm është diskutuar edhe për vendimin që Borovci dhe Arban Abrashi të përjashtohen nga gara.

Kujtojmë që pavarësisht se në disa degë pati përleshje me karrige e grushe, LDK përjashtoi nga gara për të parin e degës vetëm Abrashin e Borovcin.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë