Loading…

Brenda një jave 51 persona të vdekur nga koronavirusi në Kosovë

  • 02/08/2020 | 08:18

Brenda një jave 51 persona të vdekur nga koronavirusi në Kosovë

Kosova është futur në një krizë të thellë në përballjen e saj me koronavirusin.


Vetëm sot, në vendin tonë u shënuan edhe 224 raste pozitive si dhe nëntë viktima.

Në përgjithësi, java që po lëmë pas ka qenë më tragjikja që nga paraqitja e rastit të parë me COVID-19.

Nga e hëna, 27 korrik e deri sot, në Kosovë janë shënuar hiç më pak se  51 viktima.

Të hënën, numri i të vdekurve nga virusi në Kosovë ishte 185, teksa sot ky numër ka arritur në 236.

Si rrjedhojë e situatës, qeveria e Kosovës këtë javë ka ashpërsuar masat kundër përhapjes së virusit, përcjellur dështimin e përmirësimit të situatës nga vendimet paraprake.

Ministri i Shëndetësisë, Armend Zemaj, ka paralajmëruar se në Kosovë do të ndërtohet një spital i përkohshëm që do të trajtojë vetëm pacientët e infektuar.

Ndryshe, numri total i rasteve pozitive me COVID-19 në Kosovë ka arritur në 8 mijë e 554, 3 mijë e 588 prej të cilave janë ende aktive.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë