Loading…

Britania e Madhe “shtetrrethim” për një muaj, për shkak të Covid-19

  • 31/10/2020 | 23:02

Britania e Madhe “shtetrrethim” për një muaj, për shkak të Covid-19

Kryeministri i Britanisë së Madhe, Boris Johnson, në një konferencë të jashtëzakonshme, njoftoi mbylljen e dytë të vendit për shkak të shtimit të rasteve me COVID. Mbyllja do të hyjë në fuqi ditën e enjte (5 nëntor) dhe do të zgjasë të paktën një muaj, deri në fillim të dhjetorit (2 dhjetor).


“Nga e enjtja deri në fillim të dhjetorit, duhet të qëndroni në shtëpi. Mund të dilni vetëm për arsye specifike/të veçanta, si për punë apo shkollë. Pub-et, lokalet dhe restorantet do të mbyllen”, tha kryeministri.

Të gjitha aktivitetet të cilat shkaktojnë grumbullime, si lokalet dhe restorantet do të mbyllen. Megjithatë njerëzit do të lejohen të shkojnë në punë, edhe pse sipas kryeministrit “ai që ka mundësi, të punojë nga shtëpia”.

Kryeministri anglez nënvizoi se shkollat do të qëndronin të hapura, pasi mbyllja e tyre do të shkaktonte dëme të mëdha në shkollimin e të rinjve.

“Ne nuk mund ta lejojmë këtë virus të dëmtojë më shumë të ardhmen e fëmijëve tanë. I nxis prindërit që të vazhdojnë t’i çojnë fëmijët e tyre në shkollë, si dhe u jam shumë mirënjohës mësuesve në të gjithë vendin, që I janë përkushtuar mbajtjes hapur të shkollave”, shtoi ai, raporton Euronews.al.

Gjithashtu dyqanet do të vazhdojnë të jenë të hapura, si dhe qytetarët nuk duhet të dalin nga shtëpitë e tyre, vetëm në raste të nevojshme ose të autorizuara.

Boris Johnson komunikoi se vetëm dy pjesëtarë nga e njëjta familje mund të dalin njëkohësisht dhe se të gjithë duhet të respektojnë distancimin social.

Kryeministri këshilloi se personat të cilët janë mbi 60 vjeç duhet të bëjnë më shumë kujdes, duke respektuar të gjitha masat e vendosura nga qeveria, pasi janë më të ekspozuar ndaj COVID-19.

Më të fundit
...
  • 28/11/2020 | 16:59
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë