Brutaliteti i policisë serbe dhe rezistenca e shqiptarëve të Kosovës më 1989 (Video)

Serbia, gjatë kohës sa ka mbajtur Kosovën nën pushtim, ka ushtruar dhunë e represion të jashtëzakonshëm mbi popullatën civile shqiptare.

Regjimi serb, sidomos ndaj personave që dyshoheshin për ‘aktivitete ilegale’ dhe ndaj pjesëmarrësve nëpër demonstrata, përdorte tërë aparatin shtetëror për të shtypur me dhunë çdokë që guxonte të kërkonte të drejtat e tij.

Një ndër etapat më të vështira për shqiptarët e Kosovës ka qenë fundi i viteve të 80-ta, kur minatorët e Trepçës kishin hyrë në grevë urie më 20 shkurt 1989. Kjo kryengritje shpejt mori përkrahje – jo vetëm në pjesët tjera të Kosovës – por edhe në Kroaci e Slloveni.

Siç edhe ishte pritur, Serbia përdori forcat e saj shtetërore për të tentuar ta ndalte edhe këtë demonstratë. Në një video të publikuar nga faqja ‘FM Images’ të vitit 1989, shihen disa policë serbë që rrahin pa mëshirë e me mjete të forta shumë civilë që rezistojnë ndaj regjimit serb. /gazetametro.net