‘Burrë shteti modern’ – Promovohet sot libri kushtuar Hashim Thaçit

Sheshi i qytetit të Ferizajt do të jetë sonte vendi ku do të prezantohet një botim i dedikuar ish-presidentit të Kosovës, Hashim Thaçi, transmeton Gazeta Metro.

Bëhet fjalë për librin “Shteti i ri – burrë shteti modern”, një vepër e autorëve Naim Qelaj dhe Besnik Tahiri, e cila trajton figurën dhe angazhimin politik të ish-presidentit.

Ceremonia e promovimit do të nisë në orën 18:00 dhe është paraparë të jetë e hapur për publikun, duke u ofruar të interesuarve mundësinë të marrin pjesë në këtë aktivitet kulturor.

Përmes një njoftimi, Komuna e Ferizajt ka ftuar qytetarët të jenë pjesë e promovimit dhe të ndjekin nga afër prezantimin e këtij botimi./gazetametro.net