Loading…

Çfarë duhet të bëni nëse keni marramendje gjatë shtatzënisë: Shtrihuni në këtë pozicion dhe ja kur keni nevojë urgjente për një mjek

  • 20/01/2022 | 11:29

Çfarë duhet të bëni nëse keni marramendje gjatë shtatzënisë: Shtrihuni në këtë pozicion dhe ja kur keni nevojë urgjente për një mjek

Gjatë shtatzënisë, trupi kalon nëpër ndryshime të mëdha, të cilat përfshijnë presionin e gjakut, nivelin e sheqerit në gjak, hormonet dhe e gjithë kjo mund të çojë në marramendje


Është krejtësisht normale të keni marramendje në fillim të shtatzënisë dhe mund të vazhdojë edhe gjatë muajve në vijim, transmeton Telegrafi.

Çfarë mund të bëni kur keni marramendje?

1. Uluni dhe qetësohuni që të mos rrëzoheni. Nëse keni mundësi, vendosni kokën midis gjunjëve. Sa herë që uleni dhe ngriheni, bëjeni ngadalë.

2. Nëse keni mundësi të shtriheni, shtrihuni gjithmonë në anën tuaj të majtë. Kjo rrit sasinë e gjakut në trurin tuaj, kështu që menjëherë do të ndiheni më mirë.

3. Hani një diç mes vakteve, pini lëng frutash ose ujë për të rritur nivelin tuaj të energjisë.

4. Nëse rrobat tuaja janë të ngushta, sigurohuni që t’i zbërtheni ose, nëse mundeni, hiqni ato.

5. Nëse jeni në një hapësirë të mbushur me njerëz ose me zagushi, shkoni ngadalë në një vend ku ka më shumë ajër dhe ku ka më pak njerëz.

Si të parandaloni marramendjen në shtatzëni?

1. Asnjëherë mos u ngrihuni ose uluni befas.

2. Mos u shtrini në shpinë ose në të njëjtin pozicion për një kohë të gjatë.

3. Hani vakte të rregullta në intervale më të shkurtra, në mënyrë që sheqeri të mos ju bjerë. Shmangni
boshllëqet e mëdha midis vakteve.

4. Shmangni banjat e nxehta, sepse mund ta mbinxehin trupin.

5. Ushtrohuni lehtë. Kjo mund të çojë në marramendje.

6. Pini mjaftueshëm ujë që të mos dehidratoheni.

7. Merrni mjaftueshëm hekur.

Kur duhet të vizitoni një mjek?

Nëse marramendja është shumë e shpeshtë dhe shoqërohet me turbullim të shikimit, dhimbje gjoksi, gulçim, gjakderdhje vagjinale, është e rëndësishme të shkoni te mjeku sa më shpejt të jetë e mundur.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë