Loading…

Çfarë është ajo pika e kuqe në vezë dhe a është e rrezikshme për shëndetin

  • 19/03/2017 | 11:58

Çfarë është ajo pika e kuqe në vezë dhe a është e rrezikshme për shëndetin

Nëse gjatë gatimit të kafjallit keni hasur vezë me pikë të kuqe në të verdhët e saj, me siguri jeni brengosur dhe keni pyetur që veza e këtillë a është e sigurt të hahet?

Çfarë vërtet është ajo pika e kuqe dhe a është e rrezikshme për shëndetin tonë:

Pika e kuqe është gjak. Mirëpo nuk është ky sinjal që veza është e prishur, por fjala është për kapilarin e pëlcitur në vezoret e pulave, transmeton Telegrafi.

Kjo mund të shkaktohet nga shumë gjëra duke përfshirë plakjen e pulës dhe mënyrën e të ushqyerit të saj, por kjo nuk është një shenjë se pula është e sëmurë apo është keqtrajtuar në njëfarë mënyre.Sa janë të zakonshme pikat e kuqe?

Goxha rrallë mund të hasni në vezë me pikë të këtillë. Të gjitha vezët komerciale përzgjidhen, kontrollohen dhe ndahen në mënyrë që të shmanget kjo gjë. Megjithatë, një numër i caktuar i vezëve me pikën e këtillë arrin që të kalojë nëpër sistemin rigoroz të kontrollit.

Shumica e vezëve me njolla gjaku sortohen përmes këtij procesi të ndriçimit, por disa prej tyre mund të ngelin. Nëse keni pulat tuaja që i mirëmbani, ose bleni vezë nga ndonjë fermë, ju mund të merrni herë pas here ndonjë vezë me njolla gjaku.

Çfarë të bëhet me vezën nëse ka këtë pikë gjaku?

Kjo nuk është shenjë që do të duhej ta hidhni poshtë. Vezët e tilla janë plotësisht të sigurta, mirëpo nëse ju pengon gjaku, mund ta hiqni me maje thike dhe të vazhdoni të gatuani kafjallin.

Me pak fjalë: këto njolla të kuqe ndoshta duken të këqija, por janë krejtësisht normale.

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë