Loading…

Çfarë foli me të për herë të fundit? Nëna e Donjeta Pajazitajt shpalos detaje të reja rreth vrasjes së vajzës së saj

  • 06/06/2021 | 08:34

Çfarë foli me të për herë të fundit? Nëna e Donjeta Pajazitajt shpalos detaje të reja rreth vrasjes së vajzës së saj

Lumnije Pajazitaj nga fshati Strellc i Deçanit, ka folur për takimin e fundit me vajzën e saj të ndjerë, Donjeta Pajazitaj.


Ajo ka thënë se vajza e saj ka qenë gjithmonë e urtë, e sjellshme dhe e dashur për familjen dhe të afërmit.

“Kur kemi pasur mbledhje të prindërve në shkolla, të gjithë arsimtarët dhe profesorët kanë thënë për të se është vajzë e sjellshme. Kemi pasur vetëm fjalë të mira për të.Donjeta ka shkuar në fakultet, pak para se ta përfundonte vitin e tretë ishte punësuar në një market në Pejë“.

Lumnije Pajzitaj thotë se në ditën e fundit vajza e saj ka qenë e njëjtë si gjithmonë.

“Në ditën e fundit ajo ka qenë e njëjtë, është nisur në punë në ora në 20 minuta në 14:00. E kemi pasur dy kilometra me ec për më dal në rrugë kryesore ku arrinte autobusi, gjithmonë ka dalur në atë kohë kur ka punuar në ndërrimin e dytë“, u shpreh ajo.

Tutje, ajo tha se “fjala e fundit me Donjetën e ka qenë nënë ditën e mirë kalofsh mirë, asgjë tjetër sikur çdo ditë tjetër”.

“Mbrëmje ka thirr pronari ka thënë pse s’ka ardh Donjeta ne punë, të gjithëve na u ka ndërpre buka, e kemi ditë se diçka e keqe ka ndodhë“, pohoi ajo.

Ajo shtoi se 6 javë ditë nuk kanë ditur asgjë për të, dhe se nuk kanë pasur informata nga Policia e as nga kushërinjtë, duke shtuar se kur ka filluar procesi gjyqësor kanë dalur disa dëshmitarë.

“Trupi i saj është gjetur në ora 12:00, kurse në mbrëmje na ka lajmëru Policia se është gjetur një trup i pajetë në bjeshkët e Strellcit, ka shkuar burri dhe djali dhe u konfirmua se është ajo”, shtoi tutje ajo.

“Ne nuk kemi dyshuar asnjëherë se na ka vrarë dikush vajzën, Policia ka hasur dhe e ka zbuluar kush është vrasësi. Ai |Naser Pajazitaj| ka qenë edhe në varrim edhe ka qëndruar në të pame. Ka qenë vetë fizikisht i sëmurë, jo psiqikisht. Kamerat e fshatit Strellc, ai shihet se e merr në veturë dikë, nuk shihet para kamerave Donjeta, por shihet vetura. Ai e ka marrë në veturë, dhe kalon me shpejtësi të madhe. Ai gjithmonë i ka ndryshuar deklaratat rreth rastit”, theksoi tutje nëna e Donjetes në RTV Dukagjini.

Kujtojmë se, Gjykata Themelore në Ferizaj, ka dënuar me burgim të përjetshëm të pandehurin Naser Pajazitaj, i akuzuar për vrasjen e Donjeta Pajazitaj.

Kryetari i Trupit gjykues i Departamentit për Krime të Rënda – Ibrahim Idrizi, pas mbajtës së shqyrtimit gjyqësor, administrimit të provave, dëgjimit të palëve, të pandehurin N.P. e shpalli fajtor dhe i shqiptoi dënim me burgim të përjetshëm.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë