Loading…

Çfarë ndodhi dje në Klinikën Infektive ku vdiqen 6 persona: Flasin nga Policia e Kosovës

  • 06/07/2020 | 12:09

Çfarë ndodhi dje në Klinikën Infektive ku vdiqen 6 persona: Flasin nga Policia e Kosovës

Policia e Kosovës është duke hetuar vdekjen e gjashtë pacientëve me koronavirus në Klinikën Infektive të QKUK’së, të gjithë këta njëherit, shkruan Gazeta Metro.


Policia e Kosovës përmes raportit 24 orësh ka deklaruar se ky rast është duke u hetuar dhe se trupave të pajetë do t’u bëhet obduksioni.

“Prishtinë 05.07.2020 – 01:00. Raportohet se në Kliniken Infektive në Prishtinë kanë vdekur gjashtë persona që të gjithë kosovar. Me vendim të prokurorit, trupat e pajetë të viktimave dërgohen në Institutin e Mjekësisë Ligjore për Obduksion. Rasti është duke u hetuar”, thuhet në raportin e Policisë së Kosovës.

Kujtojmë se këto vdekje janë raportuar si misterioze, dhe se ka dyshime se ato kanë ndodhur për shkak të mungesës së oksigjenit apo mos-funksionimit të aparaturave, përcjell Gazeta Metro.

Ndërkaq, nga Ministria e Shëndetësisë dhe institucionet tjera është deklaruar se çdo dyshim rreth këtij rasti do të hetohet nga organet kompetente.

Ndryshe, numri i personave të infektuar në Kosovë ka kaluar mbi 3 mijë, kurse mbi 600 raste aktive janë vetëm në Prishtinë.

Ndërsa deri sot janë shënuar 75 viktima./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë