Loading…

Cilat janë pritjet e Kosovës nga Forumi i Paqes në Paris?

  • 09/11/2021 | 21:25

Cilat janë pritjet e Kosovës nga Forumi i Paqes në Paris?

Amerika nuk e ftoi Kosovën në Samitin e Demokracisë, por shteti ynë do të përfaqësohet në një forum të ngjashëm në Paris të Francës.

Kryeministri Albin Kurti do të marrë pjesë në Forumin e Paqes që do të mbahet në Paris nën patronatin e presidentit francez Emanuel Macron.

Zyra e Kryeministrit për RTV Dukagjinin ka thënë se Kurti do të jetë pjesëmarrës në diskutime gjatë të enjtes dhe të premtes mes 450 pjesëmarrësve nga 130 shtete.

Ligjëruesi nga Universiteti i Parisit Nezir Kraki e vlerëson të rëndësishëm pjesëmarrjen e kryeministrit të Kosovës.

“Është mirë që është ftuar në këtë forum edhe Kosova. Kurti duhet ta shfrytëzojë këtë rast dhe të takoj sa më shumë njerëz publik e privat. Të takojë firma të mëdha e të mesme në mënyrë që në Kosovë të investohet sa më shumë”, deklaroi për RTV Dukagjinin, Nezir Kraki.

Nikoqiri i këtij takimi është ndër skeptikët më të mëdhenj sa i përket liberalizimit t5ë vizave për Kosovën.

Sipas profesorit Dritëro Arifi Kosova duhet ta shfrytëzojë këtë rast për t’ia ndryshuar Francës mendimin për liberalizimin e vizave.

“Franca është çelësi i vizave për Kosovën. Nëse Franca ndryshon qëndrim, atëherë vende më të vogla si Holanda e të tjera nuk besoj se kanë guxim t’i thonë jo Francës”.

Sesioni i parë i këtij forumi është mbajtur në vitin 2018.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë