Çitaku i drejtohet Qeverisë për vendimin në veri: Ambasadori amerikan iu shpëtoi me fytyrë, nuk ishte veprim i koordinuar

Nënkryetarja e Partisë Demokratike të Kosovës (PDK), Vlora Çitaku, e ka quajtur si veprim të pakoordinuar vendimin për reciprocitetin në targa të automjeteve dhe karta të identitetit, teksa ka thënë se një marrëveshje e këtillë është në kuadër të Brukselit, shkruan Gazeta Metro.

Në një shkrim në Facebook, Çitaku ka vlerësuar se ishte ambasadori i SHBA’së në Kosovë, Jeffrey Hovenier, i cili, siç thotë ajo, “i nxori me fytyrë juve dhe vendin”.

“Vendimi për reciprocitet në targa të atutomojeteve dhe në karta të identitetit është pjesë e marrëveshjes së Brukselit. Ndërkohë, e ripërsëris, veprimi i se dieles ka qene i pakoordinuar, i paplanifikuar, i papergjegjëshëm. Aleatët tanë me kohë kanë kërkuar shtyrje të përkohshme të implementimit.

“Shefja e grupit parlamentar të VV-së e din shumë mirë si duket një veprim i koordinuar me partnerët. Kur kordinohesh dhe planifikon nuk zmbrapesesh nga huliganët dhe grupet kriminale. Kur koordinohesh shkon deri në fund e nuk ndalesh”, ka thënë ndër të tjera ajo.