Loading…

Çitaku, Kurtit për gazpërçuesin: Ka diskurs përçmues ndaj SHBA’së, po e redukton në gypa sigurinë energjetike

  • 19/10/2021 | 23:03

Çitaku, Kurtit për gazpërçuesin: Ka diskurs përçmues ndaj SHBA’së, po e redukton në gypa sigurinë energjetike

Ish-ambasadorja e Kosovës në Shtetet e Bashkuara të Amerikës, Vlora Çitaku, ka komentuar vlerësimet e Raportit të Progresit dorëzuar sot Qeverisë së Kosovës nga Komisioni Europian.

Lidhur me çështjen e Asociacionit, Çitaku, në cilësinë e nënkryetares së PDK-së, u shpreh se nëse duhet zbatuar në bazë të rekomandimeve të Gjykatës Kushtetuese nuk do përbënte shqetësim, njofton Klankosova.tv.

”Ajo çfarë do të vlerësoj unë është mënyra se si Qeveria do t’i përgjigjet raportit të progresit. Një gjë më shqetësoi, kishte disa formulime shqetësuese lidhur me dialogun, aksionet në veri, etj”.

”Zbatimi i Asociacionit bazuar në rekomandimet e Gjykatës Kushtetuese, nuk duhet të jetë shqetësim. Nëse ka diçka tjetër, për të cilën ne nuk dimë, atëherë ne duhet ta pyesim qeverinë”.

”Mirëpo pjesë e marrëveshjes për Asociacionin ka qenë edhe që ai document do t’i dërgohet Gjykatës Kushtetuese, Gjykata Kushtetuese ka dhënë rekomandimet, dhe në bazë të atyre rekomandimeve ne duhet ta bëjmë Asociacionin, por jo të themelojmë nivel të tretë të pushtetit”.

Ndërkaq në Rubikon me Adriatik Kelmendin, Vlora Çitaku, kritikoi edhe qasjen e qeverisë kosovare në raport me Shtetet e Bashkuara të Amerikës rreth gazpërçuesit.

Sipas saj, kryeministri Kurti po përdor diskurs përçmues ndaj Amerikës, njofton Klankosova.tv.

”Ka tema rreth të cilave duhe ta kritikojmë qeverinë. Çështja e gazpërçuesit, është gabim strategjik i Qeverisë së Republikës së Kosovës, dhe përveç kësaj që do t’na kushtojë, mua po aq sa më shqetëson gabimi, më shqetëson edhe diskursi”.

”Dhe nuk është hera e parë që përdoret një diskurs përçmues në raport me SHBA-të. Më herët kemi dëgjuar ”Shtëpia e Verdhë”, tash si kishte thënë kryeministri ‘’Nuk bëhet aleanca me Amerikën me gypa’’, ai po e redukton në gypa çështjen e sigurisë energjetike të Kosovës, diversifikimit dhe kushdo që e njeh pak këtë fushë, dhe unë nuk jam eksperte, e di fare qartë që gazpërçuesi që na është ofruar neve, është kundërpërgjigjie e drejtpërdrejtë e Amerikës karshi gazpërçuesit rus. Këto janë shumë të thjeshta”.

”Kjo është një nga ato vendimet strategjike, të cilat merren një herë, jo dhjetë herë. Fatkeqësisht ne si opozitë të gjithë së bashku i kemi numrat e kufizuar në Parlamentin e Kosovës. Ne përveç interpelancave, përveç debateve parlamentare, hapjes së debatit publik, ne kemi shumë mundësi të kufizuara që të bëjmë diçka më shumë, duke përdorur instrumentët demokratik. PDK ka pasur qëndrim të qartë që nga dita e parë për gazpërçuesin”.

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë