Çka bëri Milot Rashica sonte për 25 minuta: Para se të shënonte, humbi një rast shumë të volitshëm

Anësori i Kombëtares së Kosovës, Milot Rashica sonte shënoi golin e tij të parë me fanellën e Galatasaray në kampionatin turk. Megjithatë, para se të realizonte këtë gol ai lëshoi një mundësi shumë të mirë përballë portierit Onurcan Piri, shkruan Gazeta Metro.

Futbollisti nga Vushtrria nuk po kalonte momente shumë të mira javët e fundit me ç’rast trajneri Okan Buruk vendosi që ai të mos luante nga fillimi.

Në ndeshjen ndaj Giresunspor që Galatasaray e fitoi me rezultat të thellë 0-4, në vend të Rashicës nga minuta e parë u inkuadrua Baris Alper Yilmaz. Ky i fundit nuk është se bëri ndonjë paraqitje për t’u duartrokitur.

Në minutën e 70’të erdhi koha për 26-vjeçarin kosovar që për 25 minuta arriti të bëhet protagonist. Ai realizoi golin e tretë dhe kishte rolin krucial në golin e katërt.

Por, para së gjithash ai lëshoi një mundësi të artë në minutën e 79’të. Pas një kundërsulmi të shpejtë të mysafirëve, Rashica mori një top fantastik nga Mauro Icardi, derisa edhe më fantastik ishte driblimi që i bëri kundërshtarit.

Pas kësaj ai doli përballë portierit vendas që ndali me këmbë goditjen e tij jo shumë të mirë nga afërsia, shkruan Gazeta Metro.

Milot Rashica, ceza sahasında müsait pozisyonu değerlendiremedi.

Ofsayt #GRSvGS Ayağına Bahattin Şimşek Dubois Bünyamin Gezer Penaltı #Ankaragücüpic.twitter.com/Cb77x7GPKu

— 12Numaraaa💛💙🇹🇷 (@12NumaraaaBaran) January 28, 2023

Nuk kaloi shumë kohë dhe Rashica përmirësoi gabimin e tij, duke shënuar para tifozëve të Galatasaray që kishin udhëtuar masovikisht për të përkrahur skuadrën e tyre të zemrës që këtë sezon po shkëlqen në Superligën e Turqisë.

Anësori kosovar ‘rrëmbeu’ një top nga mbrojtësit kundërshtar dhe doli në rast pothuajse të ngjashëm si para disa minutave, por këtë herë nuk kishte si të gabonte.

89′ GOOOOLLLL!

⚽ Milot Rashica

Giresunspor 0-3 Galatasaray pic.twitter.com/TDSptWHnC8

— 🌞 (@Hkeskin63) January 28, 2023

Për të kompletuar një paraqitje të mrekullueshme u përkujdes në sekondat e fundit të takimit.

Topi i harkuar nga ana e tij brenda zonës ishte vendimtar që të përfitoi anësori turk, Yunus Akgun, i cili sikurse Rashica sonte shënoi golin e parë këtë sezon në elitën e futbollit turk.

Galatasaray 4-0 Giresunspor

Gol= Yunus Akgun⚽️ pic.twitter.com/9mzfm1uCKp

— Galatasaray Sevdası (@MuratcanOturur) January 28, 2023

Kujtojmë se Milot Rashica është i huazuar nga Norwich City që zotëron ende kartonin e tij. Por, kohëve të fundit mediumet turke kanë raportuar vazhdimisht që drejtuesit e Galatasaray po tentojnë që gjatë verës ta transferojnë atë në mënyrë permanente. /gazetametro.net