Loading…

Clark: Nëse Milloshevici nuk do të dorëzohej, do të futeshim me trupa tokësore

  • 02/11/2021 | 08:12

Clark: Nëse Milloshevici nuk do të dorëzohej, do të futeshim me trupa tokësore

Ish-gjenerali i NATO-s, Uesley Clark, ka treguar se amerikanët ishin të gatshëm që të futeshin edhe me trupa tokësore në Serbi nëse Sllobodan Millosheviq nuk do të dorëzohej.


Ai thotë se në samitet zyrtare të NATO-s kjo çështje nuk është përmendur asnjëherë.

“Në samitet e NATO-s nuk është përmendur asnjëherë ndërhyrja tokësore”, tha ai.

Por ai tregon se plani ekzistonte dhe trupat do të futeshin nga dy shtete fqinje të Serbisë dhe Shqipëria.

“Por ne e kishim planin tjetër që fushata e bombardimeve të mos vazhdonte pa fund. Po përgatitnim planin për futje të disa trupva tokësore. Disa do të hynin nga Shqipëria, disa nga Maqedonia dhe disa nga Hungaria. Nuk do të ndaleshim deri në dorëzimin e Serbisë, apo Jugosllavisë. Nuk do të ndaleshim asnjëherë, nëse Millosheviq nuk do të dorëzohej. Po e përsëris, nëse nuk do të dorëzohej. E keqja ishte se ai nuk po e kuptonte me cfarë po përballej. Rrinte me një pije në dorë në shtëpinë e tij”, thotë ai në emisionin Open në Klan.

Tutje ai tregon se disa serbë ishin të gëzuar që NATO kishte sulmuar shtëpinë e ish-presidentit serb të akuzuar për gjenocid.

“Na thanë se disa serbë ishin të kënaqur që NATO bombardoi shtëpinë e Millosheviqit”, përfundoi ai.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë