Loading…

Çmimi i derivateve i papërballueshëm për qytetarët, kërkojnë kontrollimin e tyre nga shteti

  • 30/11/2019 | 21:57

Çmimi i derivateve i papërballueshëm për qytetarët, kërkojnë kontrollimin e tyre nga shteti

1 euro e 15 cent për litër të naftës dhe 1 euro e 16 cent për litër të benzinës është çmimi që qytetarët e vendit duhet të paguajnë për mbushje të karburantit.


Këtë çmim nuk e shohin si të arsyeshëm qytetarët, të cilët thonë se çmimi që duhet paguar për karburant nuk përkon më gjendjen ekonomike në vend.

Ngritja e çmimit të derivateve nga të tjerët po shihet si mundësi keqpërdorimi prej kompanive private të cilat kryejnë këto shërbime.

Teksa thonë se institucionet e vendit po bëjnë pak për të kontrolluar rritjen e këtij çmimi prej kompanive të cilat sipas tyre, nuk po respektojnë çmimet e caktuara nga BERZ’a dhe OPEC’u.

Se çmimi është më i lartë se që duhet, e thonë edhe qytetarë nga mërgata, për të cilët, çmimi për karburant në Kosovë është i njëjtë me çmimin në Evropë ku kushtet ekonomike janë më të mira.

Por, ndryshe mendojnë në shoqatën e naftëtarëve të Kosovës të cilët thonë se çmimi i derivateve në Kosovë është më i liri me çmimet e rajonit.

“Sa i përket çmimit të derivateve, qytetarët e Republikës së Kosovës janë duke u furnizuar me çmimin më të lirë në Ballkan. Në regjion, çmimet janë më të larta se në vendin tonë, ku për t’u shërbyer me karburant, qytetarët e atyre vendeve duhet të paguajnë mbi 1 euro e 40 cent”, ka thënë Ilir Berjani, kryetar i shoqatës së naftëtarëve të Kosovës.

Ndër të tjera, në përgjigjen dërguar televizionit, Berjani thotë se çmimi aktual në Kosovë është për 10 cent më i lirë se në të njëjtën periudhë të vitit të kaluar.

Krahasuar me Kosovën, qytetarët në Maqedoninë e Veriut për litër të benzinës dhe naftës, paguajnë 20 cent më pak se ata të Kosovës.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë