Loading…

‘Çmimi ke i lartë’, befason Arbnor Morina: Ylli i ri i Chelsea për pak ka pasur të vijë në Prishtinë

  • 25/01/2023 | 13:34

‘Çmimi ke i lartë’, befason Arbnor Morina: Ylli i ri i Chelsea për pak ka pasur të vijë në Prishtinë

Trajneri i mirënjohur kosovar, Arbnor Morina, ka thënë se gjatë kohës kur kishte qenë drejtor sportiv i Prishtinës kishte qenë i interesuar për çmimin e anësorit të Chelsea, Mykhailo Mudryk, transmeton Gazeta Metro.


Mudryk gjatë këtij afati kalimtar të janarit u transferua nga Shakhtar Donetsk te ‘Blutë e Londrës’ për një shifër marramendëse prej 89 milionë funteve.

Por, para disa viteve Arbnor Morina thotë se çmimi i tij kishte qenë dhjetë milionë euro. Këtë e kishte mësuar pas një bisede me trajnerin e Shakhtar Donetsk U21, pasi që i kishte lënë shumë përshtypje futbollisti.

”Për pak ka pasur të vijë në Prishtinë, por çmimi ke i lartë. Ka qenë histori interesante pasi që ka luajtur një ndeshje kundër Prishtinës kur kemi qenë në Antali në përgatitje si djalë i ri. Por, ka rënë në sy si futbollist që përgjatë 90 minutave tërë kohë ka qenë në lëvizje.”

”Si 17-18 vjeçar luante për Shakhtar Donetsk U21 dhe në atë kohë e ka pasur çmimin 10 milionë euro. Shkova të bisedoj me trajnerin e tyre pasi në atë kohë kam qenë drejtor sportiv dhe më interesoj ta shikoj se çfarë lojtari është,” ka thënë ai në emisionin sportiv ‘Ekipi A’ në ATV.

22-vjeçari ukrainas të shtunën debutoi në Premier League kundër Liverpool dhe për rreth 40 minuta sa luajti pati një paraqitje mjaft të mirë. /gazetametro.net

Arbnor Morina konfirmon ofertën nga FFK për përzgjedhës te Kosova U17

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë