‘Çuti’ e ‘Zotëri Tërmkolli’: Avokati i VV’së, Tomë Gashi nuk pranon të kërkoj falje për ofendimin që kishte bërë
-
05/04/2021 | 23:15
Avokati Tomë Gashi ka thënë në emisionin Pressing në T7 se anëtari i PDK’së, Ardian Kastrati, duhet të kërkojë falje për postimin ofendues që ka bërë mbrëmë, por i njejti nuk pranoj të kërkojë falje për gjuhen seksiste e fyese ndaj Melihate Tërmkollit kohë më parë.
“Kastrati duhet të kërkojë falje për dy arsye. E para pasi mban post të profesorit në universitet. E dyta pasi mban postin e deputetit të Kosovës”, tha ai.
Ndërkohë gazetari Parim Olluri ka kërkuar nga ai që të bëjë të njëjtën dhe të kërkojë falje për fyerjen që i kishte bërë para disa kohëve ish-anëtares së LDK-së, Melihate Tërmkolli.
Gashi e kishte quajtur Tërmkolli “Zotëri Tërmkolli”, në një fyerje që kishte marrë reagime edhe nga shoqëria civile.
Ndërsa në një rast tjetër i kishte thënë ‘çuti’.
“Çuti, se ti veç kështu kupton dhe e din mirë pse e kupton këtë”, i ka thënë Tërmkolli, Gashit.
Gjithsesi Tomë Gashi nuk u tërhoq dhe nuk kërkoi falje.
“Në atë moment që më ofendon dikush, unë ja kthej brenda atij minuti. Pas disa kohëve e harroj tërësisht atë dhe nuk merrna më me të”, tha ai.
