Daka: Skënderaj nuk shkon në zgjedhje

Kryetarja e Komisionit Qendror të Zgjedhjeve Valdete Dakaj ka thënë se komuna e Skënderajt nuk do të shkojë në zgjedhje të parakohshme, edhe pse kryetarit aktual Sami Lushtaku i është konfirmuar dënimi prej shtatë vitesh burg nga Gjykata e Apelit.

Sipas ligjeve në fuqi, nëse një kryetar komune dënohet nga gjykata me më shumë se gjashtë muaj burg, komuna e caktuar shkon në zgjedhje të parakohshme për të zgjedhur kryetarin e ri.

“Jo nuk do të ketë zgjedhje në Skenderaj pasi që aktgjykimi nuk është i plotfuqishëm”, ka thënë shkurt Daka, raporton Telegrafi.

Gjykata e Apelit e shpalli të pafajshëm Lushtakun për veprën penale vrasje ku ishte dënuar nga Gjykata Themelore e Mitrovicës me 12 vite burg.

Kështu gjykata i hoqi 12 vjet burg Lushtakut, por e dënoi me 7 të tjera për veprën penale “Krime lufte kundër popullatës civile” që ndërlidhet me Përgjegjësinë Komanduese. /gazetametro.net