Loading…

DASH konfirmon: Kosova mund t’i vazhdojë procedurat për blerjen e raketave ‘Javelin’

  • 13/02/2024 | 11:21

DASH konfirmon: Kosova mund t’i vazhdojë procedurat për blerjen e raketave ‘Javelin’

Departamenti Amerikan i Shtetit ka konfirmuar se ka përfunduar periudha 30 ditore e njoftimit të Kongresit Amerikan rreth kërkesës së Kosovës për të blerë sistemin anti-tank “Javelin”.


Një zëdhënës i DASH-it, në një përgjigje për Klankosova.tv tha se tani i takon Kosovës që të vendosë lidhur me planet e tyre për blerjen e “Javelin” nga ShBA.

Këtij lajmi iu gëzua edhe ministri i Mbrojtjes, Ejup Maqedonci. Ai tha se janë në pritje të ofertës nga Shtetet e Bashkuara.

“Javelin, sistem me të cilin do të pajiset FSK, tashmë fakt i kryer”, shkroi Maqedonci në Facebook.

Më 11 janar, Departamenti Amerikan i Shtetit konfirmoi se Kosova ka bërë kërkesë për blerjen e raketave “Javelin”, që kap vlerën e 75 milionë dollarëve.

Po të njëjten ditë, ambasadori i Shteteve të Bashkuara të Amerikës në Serbi, Cristopher Hill, e kishte njoftuar presidentin e Serbisë, Aleksandar Vuçiq, rreth këtij hapi të ndërmarrë nga Kosova, të cilin Vuçiq sipas raportimit të mediave se kishte pritur fare mirë.

Nëse gjithçka do të shkojë mirë, Forca e Sigurisë së Kosovës do t’i ketë në radhët e arsenalit të vet, 246 raketa anti-tank “Javelin”, të prodhuara nga Shtetet e Bashkuara të Amerikës.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë