Daut Haradinaj: Vlora Çitaku na e ka zbardh fytyrën (Video)
-
02/03/2017 | 22:42
Deputeti nga radhët e Aleancës për Ardhmërinë e Kosovës, Daut Haradinaj, ka komentuar deklaratën e ambasadores së Kosovës, Vlora Çitaku në Këshillin e Sigurimit të OKB’së.
Ai ka komentuar përfaqësimin e Kosovës në OKB nga Çitaku, duke thënë se është ndier krenar me kundërpërgjigjet e saj ndaj përfaqësuesve serbë në Këshillin e Sigurimit.
”Ajo vajzë me të vërtetë po na e zbardhë ftyrën, çdo paraqitje e saj sinqerisht në Këshill të Sigurimit është e jashtëzakonshme”, u shpreh Haradinaj.
Ambasadorja Çitaku në OKB kishte dënuar ashpër mbajtjen e kreut të AAK’së Ramush Haradinaj në Francë për shkak të urdhërarrestit të Serbisë.
Deputeti i AAK’së ka thënë se lëvdatat ndaj Çitakut nuk vinë vetëm për shkak të mbrojtjes së Haradinajt në OKB, por, siç thotë ai, edhe për përfaqësimet e mëhershme dinjitoze të saj./gazetametro.net
