Loading…

Delawie: Të rinjtë dhe të papunët u bënë ekstremistë fetarë

  • 31/01/2017 | 14:31

Delawie: Të rinjtë dhe të papunët u bënë ekstremistë fetarë

Janë të rinjtë e pakënaqur, pa punë dhe pa ndjenjën e përkatësisë të cilët po bien pre e ekstremistëve të dhunshëm. Kjo është deklarata që dha sot ambasadori i Shteteve të Bashkuara të Amerikës, Greg Delawie gjatë një tryeze në Gjakovë.


Delawie tha se janë ekstremistët e dhunshëm që po eksploatojnë mediat sociale për të shtuar radhët e tyre duke bërë që frika të shtrihet në mënyrë zinxhirore tek këta të rinj.

“Ekstremistët e dhunshëm përhapin rrëfime, porosi dhe ideologji për t’i tërhequr individët por edhe të gjitha bashkësitë në orbitën e tyre. Fuqizimi i shoqërisë civile është kritike në parandalimin e margjinalizimit shoqëror që ushqen këtë cikël të frikës, të zemërimit dhe ndjenjën e padrejtësisë të cilës i janë përkushtuar ekstremistët. Deri sa ne mbështetemi në sigurinë e qeverisë dhe në sundimin e ligjit për mundjen e terroristëve aktivë, pjesëmarrja pro aktive, puna në parandalimin e gjeneratës së ardhshme të ekstremizmit të dhunshëm, kërkon që të gjithë të jenë pjesë e zgjidhjes”, tha Delawie, transmeton REL.

delawieee

Ai tha se bashkësitë lokale janë mjeti më i fortë në luftën kundër radikalizmit të të rinjve. Ambasadori Delawie tha se duhet të investohet në rini me resurse materiale dhe me fuqizimin e rëndësishëm politik.

“Duhet të trimërojmë njerëzit e rinj që t’i përkushtohen paqes, shumëllojshmërisë dhe respektit të ndërsjellë. Arsimimi luan rolin vendimtar në shkollë dhe në shtëpi, për të fituar betejën për mendjet e gjeneratave të ardhshme”, tha Delawie.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë