Delegacioni i Kosovës në takim me BE’në për MSA’në

Delegacioni i Kosovës, i udhëhequr nga ministrja Edita Tahiri, po qëndron sot në Bruksel.

Ata po marrin pjesë në takimin e parë të Grupit të veçantë për normalizim, në kuadër të Stabilizim Asocimit në mes të Bashkimit Evropian dhe Republikës se Kosovës.

Siç bën të ditur zyra e Tahirit, ky takim është obligim i dalë nga Marrëveshja për Stabilizim  Asociim në mes të Kosovës dhe BE-së.

Aty sqarohet se në nenet 5 dhe 13-të, kjo marrëveshje parasheh zotimin e shtetit të Kosovës që të vazhdojë në angazhimin për përmirësimin e dukshëm dhe të qëndrueshëm të marrëdhënieve me Serbinë dhe bashkëpunimin efektiv me Misionin e Politikës së Përbashkët të Sigurisë dhe Mbrojtjes derisa janë në fuqi.

Siç thuhet, këto angazhime përbëjnë parimet thelbësore të MSA’së në mes të Kosovës dhe BE’së./gazetametro.net