Loading…

Dënohet aktori që inskenoi sulmin nga militantët ‘racist e homofob’ të Donald Trump

  • 10/12/2021 | 14:50

Dënohet aktori që inskenoi sulmin nga militantët ‘racist e homofob’ të Donald Trump

Një rast flagrant si ky përveç që ishte parë nga fillimi si një mashtrim i mundshëm për shkak të rrethanave dhe pretendimeve të aktorit Jussie Smollet po shihet edhe si fenomen i ri përfitimit të famës me viktimizim që po mundësohet nga polarizimi shoqëror amerikan. Më e keqja me këtë rast të këtij aktori gati të panjohur për shumicën e publikut amerikan ishte se ja kishte prerë mendja se do t’ia dilte me këtë mashtrim, dhe nuk ishte larg. Një pjesë e madhe e mediave dhe politikanë amerikanë, si tani presidenti Biden dhe zëvendësja e tij Harris ishin bashkëngjitur ‘zemërimit të madh’ për këtë ‘linçim modern’ siç e quanin, transmeton Gazeta Metro.


Në janar të 2019’s Jussie Smollet kishte pretenduar se ishte cak i sulmit nga në dukje mbështetës të Presidentit Donald Trump. Sulm ky homofob dhe racist. Sulmuesit e pretenduar sipas tij ishin të bardhë kishin bërtitur ‘kjo është tokë MAGA’ ishin vëllezërit Abimbola dhe Olabinjo Osundario. Vëllezërit ishin të dy afrikanë nga Nigeria dhe e njihnin aktorin Smollet para incidentit.

Ky aktori qesharak që tallen amerikanët me vite për inskenimin që bëri, pa vendim gjyqi fare madje, u dënua dje pas procesit gjyqësor. Një goditje për narracionin e ndërtuar të viktimave. Një afrikano-amerikan, homoseksual i suksesshëm u sulmua nga mbështetësit e prapambetur e racistë të Trump me kapela MAGA pasi nuk duan ta shohin përparimin në Amerikë.

Smollett kishte paguar dy shokët e tij – afrikanë përnjëmend, vëllezër imigrantë nga Nigeria – ta rrahin por jo fort siç dëshmuan në gjyq vet, t’ia lidhin një litar në qafë dhe të bërtasin ‘kjo është tokë e amerikanëve’. Ai e pranoi vet se e kishte gënjyer policinë fillimisht, se kishte ndryshuar dëshminë disa herë. Në fund akuzoi vëllezërit që i pagoi se e kishin mashtruar atë. Askush s’ia besoi këto rrena shtesë atij në gjyq, ku edhe zgjodhi të dalë dëshmitar. Gabim i madh nga ana e tij sipas ekspertëve ligjor, vetëm e inkriminoi veten më shumë.

Aq shumë zhurmë ishte bërë në mediat amerikane për këtë rast sa doli se paska bërë kjo vaki, gati të gjithë makineria e Hollywood doli me lot në sy në çdo ekran. U harxhuan hapësirat në Twitter për të shkruar kush ma i pari. Mediat tradicionale i organizuan intervista rresht Jussie heroit që mbahej aq mirë. Politikanë nga radhët e demokratëve dolën në mbështetje duke kërkuar drejtësi. Biden e Harris poashtu.

E keqja ishte se tregimi i tij ishte aq qesharak e i dyshimtë për policinë e Chicago’s sa nuk shkuan as dy a tre ditë e menjëherë nisën të rrjedhin dyshime në media. S’shkoi fort kohë e menjëherë ndryshoi edhe qasja, policia qenka raciste tash në Chicago. Fort u hidhëruan policët e Chicago sa dilnin të dhënat edhe më shpejtë disi në media. Shefi i Policisë ishte afrikano-amerikan, prokurorja ishte afrikano-amerikane, 80 për qind e Chicago votojnë demokratë, ku racizmi në këtë mes. Mbështetës të Trump në Chicago? Amerikanë ‘racist e homofobë’ që e dinë se kush është Jussie Smollet? Një aktor televizioni gati tërësisht i panjohur në një seri që s’ka publik kombëtar qenka cak i tyre?

Siç kishte thënë komediani afrikano-amerikan Dave Chappelle pa ngurrim fare e duke u tallur keq, gjithë bota u ngrit në këmbë për ta mbrojtur Jussie, vetëm afrikano-amerikanët rrinin ca të heshtur aq sa u bënë të dyshimtë. Ai u tall se po i ndihmonin Jussie me heshtjen pasi e dinin që po gënjente.

Heshtja tani e ‘luftëtarëve për të drejta’ dhe dëmi që kanë shkaktuar viktimave të mundshme të krimeve të vërteta të tilla i bën po aq fajtor sa Jussie mashtruesin është një prej opinioneve në publikun amerikan që po vërehet./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë