Deputetët nuk kanë interesim për të kërkuar drejtësi për Astritin

Kryetari i Lëvizjes Vetëvendosje, Visar Ymeri, në seancën e jashtëzakonshme për vdekjen e Astrit Deharit, ka akuzuar Prokurorinë dhe Policinë e Kosovës, se më shumë kanë qenë të angazhuar për propagandën mediale se sa në zbardhjen e rastit.

Ai, ka folur edhe për deputetë të Kuvendit të Kosovës, për të cilët tha se nuk ka interesim nga ata që të kërkohet drejtësi për Astritin.

“Deputetët nuk janë të interesuar për të kërkuar drejtësi për Astritin. Kjo për shkak se Kadri Veseli po kontrollon edhe Kuvendin, dhe për këtë arsye po pengon një seancë të kërkuar sipas shoqërisë civile”, tha ai gjatë seancës së sotme të Kuvendit.

Ymeri foli edhe për akuzat që po i drejtohen Lëvizjes Vetëvendosje se po përfiton me rastin Dehari.

“Por gabojnë sepse me drejtësi përfitojnë qytetarët e Kosovës, përveç klanit Pronto, i cili i frikësohet drejtësisë. Shumë vonë kanë dal në sipërfaqe, vepra e Kadri Veselit shumë vonë ka dal në publik edhe pse vepra e tij është që nga viti 1999”, shtoi Ymeri./gazetametro.net