Loading…

Derbi historik mes Liverpoolit dhe Milanit, formacionet e mundshme

  • 15/09/2021 | 14:10

Derbi historik mes Liverpoolit dhe Milanit, formacionet e mundshme

Në përsëritje të finaleve të Ligës së Kampionëve 2005 dhe 2007, Liverpooli dhe Milani do të fillojnë sezonin e ri 2021/22 sot në “Anfield Road”.


“Të Kuqtë” e fillojnë këtë kompeticion për të synuar trofeun e shtatë evropian, ndërsa Milani do të kërkojë me çdo kusht fitoren për ta vazhduar startin e mirë të sezonit të ri, përcjell KosovaPress.

Gjigandi anglez dhe “Rossonerët” pozicionohen në Grupin B, të njohur ndryshe edhe si “Grupi i Vdekjes” së Ligës së Kampionëve, së bashku me skuadrat e tjera si Porto e Atletico Madridi.

Të dyja klubet kanë përballje historike mes vete, ku nga katër ndeshje sa i kanë zhvilluar së bashku, tri sosh i ka të fituara Liverpooli, krahas vetëm një fitoreje të Milanit.

Sa i përket mungesave të lojtarëve, të dy trajnerët do të kenë probleme, ku për Jurgen Klopp nuk do të paraqiten Roberto Firmino, Harvey Elliot dhe Neco Williams, kurse Stefano Pioli nuk do të mund të llogarisë në shërbimet Rade Krunic, Zlatan Ibrahimovic dhe Tiemoue Bakayoko.

Formacionet e mundshme:

Liverpool (4-3-3): Alisson; Alexander-Arnold, Van Dijk, Matip, Robertson; Henderson, Fabinho, Thiago; Salah, Jota, Mane

Milan (4-2-3-1): Maignan; Calabria, Tomori, Romagnoli, Hernandez; Kessie, Tonali; Florenzi, Diaz, Leao; Rebic

Grupi B

21:00 Liverpool – AC Milan (Stadiumi Anfield Road)

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë