Dështon VV’ja në Supreme – I refuzohet kërkesa për çmimin e biletave: Rama i quan dashakëqij dhe të padijshëm

Kryetari i Prishtinës, Përparim Rama, reagoi pas një vendimi të Gjykatës Supreme lidhur me kundërshtimin e bërë nga asamblistët e Lëvizjes Vetëvendosje për ndryshimet në çmimet e biletave të transportit publik në kryeqytet.

Sipas Ramës, Gjykata Supreme nuk e ka aprovuar kërkesën e grupit të asamblistëve të VV-së. Vendimin ai e ka bërë publik përmes një postimi në Facebook, ku ka kritikuar ashpër përfaqësuesit e kësaj partie në Kuvendin Komunal.

“Gjykata Supreme e ka refuzuar kërkesën e grupit të asamblistëve të Lëvizjes Vetëvendosje! Po e ripërsëris, përveç që jeni dashakëqij, jeni edhe të padijshëm”, shkroi Rama në Facebook./gazetametro.net