Loading…

Dialogu me Serbinë, proces i vështirë për Isa Mustafën

  • 17/03/2017 | 09:56

Dialogu me Serbinë, proces i vështirë për Isa Mustafën

Kryeministri i Kosovës, Isa Mustafa ka thënë se normalizimi i marrëdhënieve ndërmjet Beogradit dhe Prishtinës po shkon “mjaft vështirë”.


Ai shtoi se në Kosovë akoma ekzistojnë strukturat paralele që veprojnë me mbështetjen e Serbisë.

“Nuk po shkon lehtë. Është një proces mjaft i vështirë. Ne kemi ndërhyrje të madhe të Serbisë në punët e brendshme të Kosovës, sidomos në pjesën veriore. Ne duam që t`i integrojmë serbët në të gjitha institucionet tona. Ne i kemi këto struktura paralele që veprojnë me mbështetjen e Serbisë. Ne nuk shohim arsye që kjo të vazhdojë “, ka thënë Mustafa, në një intervistë për gazetën boshnjake “Dnevni avaz”, transmeton Klan Kosova.

Kreu i ekzekutivit kosovar ka shtuar se Kosova dëshiron që t`i normalizojë marrëdhëniet me Serbinë.

“Sa i përket njohjes, ky është një proces politik. Kjo nuk na pengon që të bashkëpunojmë Tani kemi marrëveshje të cilat duhet të zbatohen”, ka thënë Mustafa.

Ai shtoi se Prishtina, pavarësisht çdo gjëje, bashkëpunon me Beogradin, kryesisht nëpërmjet dialogut në Bruksel.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë