Loading…
Dietat e gabuara po vrasin më shumë njerëz se duhani
  • 14/04/2019 | 21:11

Dietat e gabuara po vrasin më shumë njerëz se duhani

Ushqimi po çon para kohe në varr plot 11 milionë persona çdo vit. Në këtë përfundim ka arritur një studim i publikuar në revistën mjekësore me më shumë ndikim “The Lancet”. Studimi ka zbuluar se dieta jonë e përditshme vret më shumë se duhanpirja, duke u bërë shkak për 1 në 5 vdekje në mbarë botën.

Kripa, qoftë në bukë, salcën e sojës apo mishin e përpunuar, rezulton që ka shkurtuar më shumë jetë. Shkencëtarët thonë se ky studim nuk ka të bëjë me obezitetin, por me cilësinë e ulët të dietave ushqimore, që dëmtojnë zemrën dhe shkaktojnë tumor.

Pas kripës, përgjegjës për 3 milionë vdekje vjen konsumi i pakët i drithërave integrale, konsumi i ulët i frutave dhe në fund fakti që njerëzit nuk hanë sa duhet perime, arra, fibra dhe nuk marrin Omega 3 nga ushqimet e detit.

Nga 11 milionë vdekjet e lidhura me ushqimin, 10 milionë ishin pasojë e sëmundjeve kardiovaskulare dhe kjo shpjegon përse kripa është problemi kryesor. Vendet mesdhetare, sidomos Franca e Spanja, si dhe Izraeli, kanë numrin më të vogël të vdekjeve të tilla në botë, ndërsa në kahun tjetër të spektrit qëndrojnë shtetet e Azisë Juglindore, Jugore e Qendrore.

Dieta të rrezikshme janë ato që përmbajnë:

Shumë kripë – 3 milionë vdekje, Pak drithëra – 3 milionë vdekje, Pak fruta – 2 milionë vdekje

Kripa mund të ketë një ndikim direkt në zemër dhe enët e gjakut. Ndërsa drithërat, frutat dhe perimet kanë një efekt të anasjellë – ata janë mbrojtës ndaj zemrës dhe qarkullimin e gjakut.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë