Loading…
Disa këshilla si t’i hekurosni rrobat pa u lodhur
  • 25/01/2019 | 21:28

Disa këshilla si t’i hekurosni rrobat pa u lodhur

Po ju japim disa këshilla se si hekurosja të mos jetë e lodhshme.


1.Zgjidhni pëlhurën e cila hekuroset lehtë, ndërkaq më lehtë do të hekurosni nëse rrobat i hekurosni para se të thahen tërësisht, d.m.th. duhet të jenë pak të njoma.

2.Hekurosja mund të jetë e lehtë, madje edhe relaksuese nëse rrobat i lajmë dhe i thajmë në mënyrë të drejtë shkruan Telegrafi. Kini kujdes që të mos thahen shumë, posaçërisht nëse nuk posedoni hekur me avull, dhe me kujdes palosni pas marrjes nga vendi i tharjes.

3.Disa orë para se të filloni hekurosjen spërkatni me ujë të vakët, mbështillni në formë rrethi dhe vendosni në qese plastike, lini të qëndrojnë disa orë.

4.Rrobat e bardha nga liri apo pambuku, si edhe ato me ngjyra vezulluese, hekurosni nga pjesa e jashtme, ndërkaq ato me ngjyra të errëta nga pjesa e brendshme, në mënyrë që të mos u dëmtohet ngjyra.

5.Nga pjesa e brendshme hekurosen rrobat e mëndafshta, ato me zbukurime në formë dantellash, rrobat nga stofi i kadifenjtë.

6.Rrobat nga stofi hekurosni duke i vendosur sipër një leckë të njomur, në mënyrë që të mos “vezullojnë”.

7.Këmishët dhe bluzat hekurosen duke filluar nga jaka, pastaj kalohet tek krahët – në fillim manshetat. Pas hekurosjes së krahëve fillohet pjesa e parë e këmishës, pastaj pjesa e shpinës, ndërkaq pjesa nga janë pullat hekuroset nga ana e brendshme.

8.Kur i hekurosni vijën e pantallonave, filloni nga pjesa e sipërme, pastaj bashkoni këmbët e pantallonave sipas gjatësisë dhe rrafshoni.

9.Largojeni të sipërmen dhe hekuroseni këmbën e poshtme, pastaj sipër saj lëshojeni pjesën e sipërme të këmbës së pantallonave dhe hekuroseni edhe atë.

10.Pantallonat ktheni edhe nga ana tjetër dhe përsëriteni të njëjtin veprim./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë