Loading…

Disfata befasuese kundër Torinos, Pioli: E lamë mënjanë, për t’u fokusuar te Salzburg

  • 02/11/2022 | 15:49

Disfata befasuese kundër Torinos, Pioli: E lamë mënjanë, për t’u fokusuar te Salzburg

Milan pësoi humbje befasuese të dielën në Serie A kundër Torinos me rezultat 2-1. Mirëpo, siç thotë trajneri i ‘Rossonerëve’, Stefano Pioli e kanë ‘harruar’ atë ndeshje dhe tani janë të fokusuar plotësisht për duelin ndaj Salzburg, transmeton Gazeta Metro.


Në një intervistë për medium italian, SportMediaset tekniku italian ka deklaruar se nuk ishin të kënaqur me paraqitjen kundër Torinos.

”Sigurisht që nuk jemi të kënaqur me paraqitjen kundër Granatas, por kemi një mundësi të madhe që e kemi kërkuar dhe e kemi dëshiruar. Menjëherë e lamë mënjanë atë takim për t’u fokusuar te Salzburg.”

”Ne po luajmë një kompeticion tjetër dhe të vazhdojmë të mendojmë për humbjen e së dielës nuk do të na kishte lejuar të përgatitemi në mënyrën më të mirë të mundshme për ndeshjen kundër austriakëve,” tha ai.

Sonte kampionët në fuqi të Italisë në ora 21:00 luajnë ‘fatin’ e tyre në Ligën e Kampionëve, ku me një humbje në ‘San Siro’ ndaj skuadrës austriake automatikisht përshëndeten nga gara më prestigjioze në Europë.

Milan gjendet në pozitën e dytë në renditjen tabelore me shtatë pikë, ndërsa Salzburg në vendin e tretë me një pikë më pak. Në kreun e tabelës në grupin E është Chelsea me dhjetë pikë dhe e fundit është Dinamo Zagreb me katër pikë. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë