Loading…

Djukanovic: Kjo qeveri malazeze i shërben interesave të Serbisë së Madhe dhe Rusisë, janë kundër NATO’s dhe BE’së

  • 03/12/2021 | 15:08

Djukanovic: Kjo qeveri malazeze i shërben interesave të Serbisë së Madhe dhe Rusisë, janë kundër NATO’s dhe BE’së

Presidenti i Malit të Zi, Milo Djukanovic, ka kritikuar ashpër qeverinë e Zdravko Krivokapic që po lëkundet se veprojnë në kundërshti me interesat e Malit të Zi dhe për interesat e shteteve tjera, Serbisë dhe Rusisë. Ai shtoi se trajtimi që po i bëhet Malit të Zi nga Perëndimi nuk është tjetër përveç qortim si për “një nxënës belaxhi”, transmeton Gazeta Metro.


Presidenti malazez Djukanovic në konventën e partisë së tij politike të mbajtur në Mojkovac të enjten mbrëma ishte shumë i ashpër në fjalimin e tij ndaj qeverisë jo stabile të Malit të Zi. Ai tha se kjo qeveri ka sjellë me veprimtarinë e saj në mëdyshje rrugëtimin e Malit të Zi drejt Europës dhe dëshmi është raporti i Komisionit Europian.

“Ai raport i Komisionit Europian nuk mund të lexohet ndryshe përveç sikur qortimi që mësuesja i bën nxënësit në klasë të parë të fillores – në qoshe atje, kthehu nga muri dhe hesht deri të bie zilja” ironizoi presidenti Djukanovic.

Përveç talljeve Djukanovic pati edhe akuza të ashpra për qeverinë malazeze të Krivokapic, e cila sipas tij në vend se t’i shërbej vendit të vet, i shërben një tjetre.

“Ajo i shërben interesave serbomëdhenj në Mal të Zi. Kjo është një qeveri që në vend të shërbejë NATO’s dhe Bashkimit Europian, i ka shërbyer interesave gjeopolitik të Rusisë. Në vend se t’i shërbejë një Mali të Zi multietnik dhe me liri fetare dhe të dëshmojë këtë me kujdes për secilën bashkësi barabartë, ajo realisht i shërben vetëm njërës. Asaj që po shkatërron harmoninë multikulturore si vlerë në Mal të Zi” tha Djukanovic duke ju referuar jo për herë të parë ndikimit përçarës të Kishës Ortodokse Serbe në Mal të Zi./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë