Loading…

DnV: Votime të dyfishta dhe jashtë kabinave

  • 18/12/2016 | 14:50

DnV: Votime të dyfishta dhe jashtë kabinave

 

Një parregullësi tjetër që është vërejtur sot gjatë votimeve në Drenas është votimi jashtë kabinave të vendosura dhe tentim për votim të dyfishtë.

Kjo u tha në konferencën e radhës nga Demokracia në Veprim, e cila është duke monitoruar këto zgjedhje. Përveq kësaj parregullësie,  sipas Visar Sutaj nga DnV është edhe mungesa e emrave të qytetarëve nëpër listat e votuesve.

Por, përmes një komunikate për media DnV tregon edhe daljen e votuesve deri në orën 13:00.

Më poshtë lexoni të plotë komunikatën e DnV-së.

DnV: Dalja në votime deri në ora 13:00 është 20.34%. Në Nekoc e Poklek shtohen rastet e tentimit për votim të dyfishtë

Demokracia në Veprim, njofton se dalja e votuesve në raundin e dytë të zgjedhjeve të jashtëzakonshme për Kryetar të Komunës së Drenasit deri në ora 13:00 është 10,691 votues apo shprehur në përqindje 20.34%.

Parregullsitë më të shprehura:

Problemet me listën e votueseve dhe votimi familjar mbesin parregullsitë më të raportuara.

Deri më tani janë evidentuar 67 raste kur votuesit nuk e kanë gjetur emrin në listën e votuesve dhe 54 raste të votimit familjar.

Janë identifikuar 6 raste të fotografimit të votës. Konkretisht në vendvotimin 0301X/03R në Gllogoc, shkolla “Halil Bajraktari”, ka pasur një rast të fotografimit të votës, por që nuk është evidentuar nga komisionerët me arsyetimin se nuk dinë se çfarë duhet të ndërmerret në raste të tilla.

Po ashtu  janë evidentuar 3 raste kur i njëjtë person ka asistuar më shumë se një herë për të votuar. Në vendvotimin 0316E/02D në Gllanasellë në shkollën “Xhevë Lladrovci”, një person ka asistuar dy herë për votim. Në po të njëjtin vendvotim një nga anëtarët e KVV-së ka asistuar një qytetarë në votim.

Është raportuar se në katër vendvotime vëzhguesit nuk janë ulur mbrapa komisionerëve për të përcjellë procesin e votimit, gjë që  vështirëson punën e tyre dhe është në kundërshtim me vendimin e KQZ-së. Këto raste janë në Koreticë të Epërme, shkolla Shaban Polluzha në vendvotimin 01R, në Gllogoc, shkolla Rasim Kiçina, vendvotimet 01R dhe 05D, si dhe në Gllanasellë në shkollën Xhevë Lladrovci, në vendvotimin 02D.

Votimi i dyfishtë:

Në qendrën e votimit në Nekoc në shkollën “Bajram Curri” janë shtuar rastet e tentimeve për votim të dyfishtë. Një grup prej pesë personash kanë tentuar të votojnë përkundër identifikimit të sprejit në duar. Një rast i njëjtë ka ndodhur edhe prej një grupi tjetër prej tre personave. Komisionerët u kanë tërhequr vërejtjen se nëse bëhet fjalë për votim të dyfishtë mund të ndiqen penalisht dhe ata më pas janë tërhequr.  Në po këtë qendër, një personi që i është identifikuar spreji në dorë, por i është lejuar të votoj pasi që emri i tij ka figuruar në listën e votuesve që nuk kanë votuar.

Në vendvotimin 0316E/02D në Gllanasellë në shkollën “Xhevë Lladrovci”, një person ka votuar pa mjet identifikues fizik duke paraqitur letërnjoftimin përmes fotografisë në telefon.

Po ashtu në Poklek në shkollën “Fehmi Lladrovci”, vetëm brenda orës së fundit ka pasur 5 tentime për votim të dyfishtë.

Prania e personave të paautorizuar në Qendër të Votimit:

Në vendvotimin 0316E/02D në Gllanasellë në shkollën “Xhevë Lladrovci”, një person i paautorizuar është duke u endur nëpër qendër të votimit.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë