Ish kryeministri i Kosovës, Isa Mustafa, ka dhënë komentet e tij rreth çështjes së Asociacionit, duke thënë se, të dy çështjet si ajo e demarkacionit dhe ajo e Asociacionit, janë kauza të rrejshme, shkruan Gazeta Metro.
Mustafa, ka në deklarimin e tij ka shtuar se, në mënyrën se si po shkon procesi i Asociacionit, edhe ata që e kanë kundërshtuar do ta pranojnë, apo siç ka thënë vetë Mustafa ‘‘do ta gëlltisin këtë, por në një formë shumë më të keqe’’.
Pos këtyre, ish-kryeministri ka komentuar edhe planin franko-gjerman.
Ai për këtë propozim, ka deklaruar se siguron stabilitet porse, nuk arrihet njohja e Kosovës nga Serbia.
“Të dy kauzat, demarkacioni dhe Asociacioni janë të rrejshme. Siç po shkojnë proceset, këta që e kanë kundërshtuar, do ta gëlltisin edhe këtë, por në një formë shumë më të keqe. Vetëqeverisja do të jetë më shumë se Asociacion. Por më vonë sipas platformës në diskutim, deri në vitin 2030, do të vazhdojë dialogu me Serbinë, kurse më vonë do të bisedohet për vetëqeverisjen e tyre. Kjo marrëveshje franko-gjermane, siguron stabilitet, por nuk kemi njohje nga Serbia. Nuk kemi as garancë se në vitin 2030, Serbia do të na njeh”, ka thënë ndër tjerash Mustafa në një në intervistë për ‘RTK Prime’. /gazetametro.net